صباح جنوبي لبناني من قلب محروق على الجنوب
انو بعد في اليونيفيل ما فاتو داهموا البيوت
نشفولي دمي على الخبرية
قال فاتوا عم بفتشوا الحي الغربي بالخيام
ما ملاقية سمايلي يعبر عن غضبي
واللي زاد وكمل شو عم يعملوا الحيوانات بفلسطين وبغزة
الله يهد جبروتهم

وبيتناا نحن كمان قريب للعباد كتير
منظر خلاب

صباح الصمود والنصر والانتصار

صباح الخير للجميع






ضلّك صامد يا جبّار

يا بقاع وجنوب الغار

مندفع حق ترابك دم

ومنتشهد ما في هم

كل ما بتنزل دمعة ام

منقــــــــــــــــــاوم

ومنبقى كبار



مجدك مجدي وارضك ارضي

من هون بدينا المشوار

بحد السيف القاطع ممضي

رح ترجع لصحابا الدار

مندفع حق ترابك دم

ومنتشهد ما في هم

كل ما بتنزل دمعة ام

منقــــــــــــــــــاوم

ومنبقى كبار




من هل السهل الواسع راجع

ازرع فوق تلالك غار

فجر الوعد بمجدك ساطع

لعيون الناس الاحرار

من هل الجبل العالي راجع

ازرع فوق تلالك غار

فجر الوعد بمجدك ساطع

لعيون الناس الاحرار

مندفع حق ترابك دم

ومنتشهد ما في هم

كل ما بتنزل دمعة ام

منقــــــــــــــــــاوم

ومنبقى كبار

إلى حبيبي الجنوب.. إلى حبيبتي بنت جبيل

لقد غنيت بنت جبيل بأجمل قصائدي.. فوهبني أبناؤها الإنتساب إليها، وأهدوني التكريم والحب، فأصبحت بنت جبيل بلدتي وحبيبتي.. لهذا أجد نفسي مهزوماً إذا هزمت، ومنتصراً إذا انتصرت.. وهي ستنتصر لا محالة، لأنها أعطت لبنان خيرة أبنائه، مثل أخي الحبيب الدكتور علي بزي، والدكتورين خليل وقاسم مصطفى، وابراهيم سعد، وغيرهم العديد من أهلي.. أهل بنت جبيل العزيزة الغالية. فإلى حبيبي الجنوب وحبيبتي بنت جبيل أهدي هذه القصيدة:



ـ1ـ
إنت الأوَّلْ.. إنت الأوَّلْ
وْبَعْدَكْ مِحَيّت الأَرْقَامْ
بْهَامَات الأَبْطَالْ مْكَلَّلْ
بْصَرْخَه.. نِسْيِتْها الأَقْلامْ
يا جْنُوبي.. يا طفل مْدَلَّلْ
هِدْيُوك بْعِيدَكْ ألْغامْ
عَنْ حُبَّكْ مُشْ رَحْ نِتْحَوَّلْ
مَهْمَا تْشَرِّدْنا الإيامْ
وْمَهْمَا الْفِتْنِه تِطْلَعْ.. تِنْزَلْ
مَا مْنِتْرُك شَعْبَكْ مِنْضَامْ
عَدُوَّك.. بِالشَّر مْأَصَّلْ
دمّو بيفَوِّرْ إجْرَامْ
كِذّابْ مْنَافِقْ ما بْيِسْأَلْ
هَمُّو يِقْضِي عَ الإسْلامْ
هَمُّو النَّصَارَى تِتْشَنْطَلْ
وِالنِّجْمِه تْرَكِّعْ أَعْلامْ
عَدُوَّكْ يَا جْنُوبي مْبَهْدَلْ
مِتْلِ الدّبَّان الْمَا بْيِخْجَلْ
بِتْكِشُّو.. بيِرْجَعْ يِتْسَلَّلْ
بدّو عَ فَرْشِتْنَا.. يْنامْ

ـ2ـ
قاوِمْ بِـ ضافيرَكْ قاوِمْ
هْدِينَاكْ الْقَامَاتْ سْلالِـمْ
قَانَا.. ما نِشْفُوا دَمَّاتَا
قَتْلُوا فيها الطّفل الحالِـمْ
قَتْلوا الْبَي الـ بِجْنَيْناتا
فاتِـحْ لِلأطيار مْطاعِمْ
قَتْلوا الأم الـ عَ دَيَّاتا
رقْصِتْ بِالأَعْراس مْحارِمْ
قَتْلوا الْعَدْرا وِصْلاوَاتَا
وِالإمامْ الْـ بَعْدُو صَايِمْ
إسرائيل.. اللّعْنِه بْذَاتَا
هِزَّا.. فزّعها.. رَبِّيهَا
مَلْعُون اللِّي بَدّو يْسَاوِمْ

ـ3ـ
يَا دِلّ الْـ ما بْيِحْمِي أَرْضُو
يَا دِلّ الْـ عايِشْ جَبَانْ
يَا دِل الْمستَرْخِص عَرْضُو
وْعَمْ بِيبِيعُو لْمِين مَا كانْ
وَحْدُو شَعْبَكْ كاتِبْ فَرْضُو
وْعَمْ بِتْزَقِّفْلُو الأزْمَانْ
ومهما عْلَيْكْ الْقُوِّه فَرْضُوا
ما بْيِرْكَعْ فِيكْ الإنْسانْ
أَبْطالَكْ صَعْبِه يِنْقِرْضُوا
هِنِّي الْحَق بْطُولُو وْعَرْضُو
وْعَمْ يِكْبَرْ فيهُنْ لُبْنَانْ

ـ4ـ
عامِلْ.. باقِي الْجَبَل الْعَالِي
وْمُشْ رَحْ يُوطَى مَهْما يْكُونْ
ضَحُّوا كِرْمَالُو بِالْغَالِي
وِانْزَرْعِتْ بِتْرَابُو عْيُونْ
عَ صْخورو تْبَوْدَرْ مُوّالي
الْفَالِتْ مِنْ شَاعِرْ مَجْنُونْ
وْعَ تْلالُو وِقَّفْت عْيَالِي
قَامَاتُنْ شَجَر الزَّيْتُونْ
يا جْنُوبي تَا تْرَيِّحْ بَالِي
لازِمْ تِفْضَحْ.. أُوعا تْبَالِي
الْـ بِيخُونَكْ.. أَللّـه بِيخُونْ

ـ5ـ
بنْت جْبَيْل.. الأَرْض الْخَضْرا
الْـ خِلْقِتْ بالْعِزّ وبالْقِدْرَه
غِنَّيتِلاّ غْنَانِي كْتِيرِه
تَا دَاوِي بِالْكِلْمِه.. قَهْرَا
جِيرِتْهَا.. يَا مَحْلَى الْجِيرِه
شَعْبَا.. بِيخَبِّرْ عَنْ طُهْرَا
بِنْت جْبَيْل كْبيرِه.. كْبيرِه
مِن عُمْر البُطولِه عُمْرا
يا جْنُوبِي .. شِي بَوْسِه زْغِيرِه
شْلَحْهَا فَوْق خْدُودَا الْحَمْرَا
بْحِبَّا.. أُوعَا تِفْتَحْ سِيرِه
بْعَتْلِي مِينْ يْطَفِّي الْجَمْرَه!!

ـ6ـ
إنْسانَك.. هُوّي عنْوانَكْ
وْمِقْرِيِّه حْروفو.. إنْسانَكْ
لِلضَّيْف مْشَرَّع أَبْوابو
وْبِالْخَيْر مْعَبَّى بُسْتانَكْ
مَجْدو مْعَلَّق فَوْق عْتابُو
وِبْيِرْخَص مَجْدو مِنْشانَك
وِعْذَابُو.. مَشْهور عْذابُو
اسْتَشْهَد مَعْ إِبْنُو بْمِيدانَك
العالَـم ما بْيِشْعُر بِمْصابو
دَمُّو فَجَّرلَكْ أَلْوانَك
خْلاَصُو.. مَرْهون بْأَحْبابو
اللِّي زَرْعوا سْنِينُنْ بِتْرابو
خْلاصُو.. مَرْهُون بْلبنانَك

ـ7ـ
حُكَّامَك.. مَنْشور وْكِلْمِه
لا تْصَدِّق كِلْمِةْ حُكّامَكْ
الْحاكِمْ ما في بْقَلْبُو رَحْمِه
قاعِدْ عَ كِرْسِي مْنِ عْضامَكْ
عَلِّمْ أَطْفالَكْ عَ النَّقْمِه
بَرْكي بْتِتْغَيَّرْ إِيَّامَك
بَرْكي بْيِبْنُوا فينا الأُمِّه
اللِّي بْتِقْدِرْ تِرْفَعْ أَعْلامَك
حُكَّامَك ما فِيهُنْ زَلْمِي
بَعْدُنْ عَمْ بِيمِصّوا الْحَلْمِه
وِيْبُوسُوا إِجْرَيْن الْحرْمِه
صارْ وَقْتْ يْبُوسُوا.. أَقْدامَكْ

مرحبا بابناء الجنوب خبروني مين بعدو من دفعتي

إهداء إلى شباب و صبايـا ملتقى الجنوب في صوتك






هل من يجرؤ ؟



جيبولي شي شطّور يجي ينزع هالسلاح


هالمرّة .. إلى تل أبيب .. و ما بعد ما بعد تل أبيب


كلاشنكوف
قنابل
مدفعيّة
هـاون
آر بي جي
تـاو
جافلن
طوفـان
ساغر
كورنت
وعد
غراد
كاتيوشـا
رعد
خيبر
فجر
زلزال
.
.
.
What's Next ???


و الآتي .. أعــظـــم

يا عمّي هيدا الجنوب اللبناني

من صيدا لصور للنبطية لبنت جبيل لشبعا للحدو اللبنانية الفلسطينة


ليش مش عم يفهمو

انو لازم دايمن نكرّر انو الجنوب مقدّس

وارواحنا لترابه الفداء



هل من ناصر للجنوب ؟

العفو منكم




بوجود ابطال المقاومة الاسلامية لا خوف على الجنوب الحبيب



فالتحية دائمن وابدا للمقاومة

لبيك ارض عاملة

لبيك يا جنوب
مع انه السيد ما بيقبل بنات تقاتل بس انو بنضل نلاقي شي نساعد فيه

لبيك يا ارض الاطهار
لبيك ايها الجنوب

لبيك sawti

السـيـف يـكـتـب بـالـدمــاء مــقـاومـة
والـجرح زغرد في الـجـبـال مــقـاومـة
والــنـصر يـصـنـعـه رجـــال مــقـاومـة



دائما وابدا مقاومة

خطّنا ونهجنا مقاومة

ولائنا وعقيدتنا مقاومة

ارواحنا دمائنا نسائنا اطفالنا بيوتنا وارضنا فداء للمقاومة





حياتنا ليست لنا
حياتنا هي للمقاومة
مقاومة السلاح
مقاومة الكلمة
مقاومة الصمود
مقاومة الصبر والتحمّل
مقاومة مقاومة مقاومة
يطول الكلام ويبقى شعارنا ونهجنا المقاومة


تحية مقاومة صامدة صابرة لكم اخوتي الاعزّاء

واخصّ التحية
ياسمين
امل
صوتي
حسين
علي
محمد
ليبو
لازيو
.........

بيوتنا ؟؟؟؟؟؟

عند كل هلبيوت وانا دايخ على بيت

حمى يلي تسلئك سلئ يا فوزي

اجرنا شي بيت من بيوتك

قلتلي بيت ؟

ليك .. انت سمعت الحجّة اللي على المنار اللي قالت

مش هيدا بيتي راح .. فدا اجرا للمقاومة
ومش بيتي بالضيعة راح .. فدا اجرا للمقاومة



وانت جايي عم تحكيني بدّك بيت



نصيحة خلّيك هلئ مترح ما انت



لان في شي جايي اعظم
دير بالك عحيدر وايّا شي بيصير بتلبّسو الدرع والخوزة وبتجيبو لعنّا

ماشي


وان شاء الله خير محلولة قصّة البيت
كم يوم بس والله بيفرجها
شد الهمّة واعزم النية واتكلّ على الحجة سنية
وختاما البيان التالي

عائلة بحاجة ماسّة الى منزل للايجار
من منطقة بيروت الكبرى
ثلاث غرف بزيادة
الى كل من يريد الخدمة
الاتصال بنا او التواصل عبر رسالة


منيح هيك يا قبّاري





تحية