[SIZE=7]ما بعرف كيف بدي صيغ هالموضوع ...!!
بس الزبدة كما يلي .... انو اذا شب وبنت حبّو بعض
وكان في فرق كبير بين البنت والشب
يعني اذا الشب عمرو شي 34 والبنت عمرها شي 16 والفرق بهالحالة شي 18 سنة
؟؟يعني ممكن بهيك علاقة يكون الحب موجود
هل الشب بهيك عمر فيه يشعر بالحب تجاه بنت بهالعمر
او البنت شو ممكن يخليها تحب شب او رجل بهالعمر وتترك الشباب يلي من جيلها وتتطلع ع شب هيك ...؟؟ هل من الممكن يكون انو البنت لاقت شي عند هالشب ما لاقيتو عند حدا ؟؟
او ممكن يكون شعورها بالنسبة ل الو مجرد شعور ابوي ومع الزمن بروح
طيب هيك علاقة اذا كانت مجرد علاقة حب هل الحب هون بكون صادق ؟؟؟
طيب المجتمع ممكن انو يعتبر هالعلاقة شاذّة وما يتقبلها حتى لو كانت صادقة
منغيّر الاتجاه
اذا صار وتزوجو هالتنين .....؟؟؟
مين يلي بكون خسر شي من حياتو
يعني بعد فترة البنت بتحس حالها صبية وبعدها باول الطريق وهو بالمقابل بصير بغار كتير ل احساسو انها ممكن تتركو واكتر شي لما يصير هو بالخمسين البنت بتكون باول التلاتين يعني البنت بتكون بمرحلة عطاء وعم تدور على انها تثبت جودها وهوي بكون بطريق انو يصير ختيار ......
وفي كتير اشيا جاي ع بالي اطرحها وهالموضوع سالت عنو كتير ناس
بس الافكار الى حد ما
ما عجبتني
وحبيت آخد رايكن بالموضوع
شو .........؟؟؟

لازم تسألي اذا في شي اسمو حب
لانو هيدا انا ما بؤمن في
الحب هو حب الله الواحد الاحد
اما التاني فما بيتسمى حب
انا بقول بحبك وبموت فيكي ومدري شو
يوم يومين بنتخانق
انا بعج اسبوع بكون حبيت وحدة تانية ونسيتك وانت حبيتي شخص تاني ونسيتيني
عنتر ما تجوز عبلة
ولا روميو اخد جوليت
ولا جميل اخد بثينة
ولا قيس اخد ليلى
لانو ما في وحدي بتتحى كرمال واحد
كلو حكي وزت نمر

ييييييييييييييييييي شو شرير ....؟؟؟؟
فهمني كيف رح تمشي حالك بهالحياة ؟؟؟؟

علي انطفي وفل من هون
مش معقول منا علي

متل ما غيري مشي حالو بتفاهم انا وبنت حلال
اذا كمنت قادر اتزوجها بتزوجها
تكون صادقة ومخلصة
وما رح قول وفية ما في حدا وفي
اذا في قلال كتير بهل زمن
عك احكي على صعيج الحب اكيد

انا بالاساس ضد هيك علاقة لانه حرام البنت تحبس حالها بهيك وضع وتكبر 18 سنة بدون ما تعيشهم
بس
الحب ممكن يكون موجود بين شخصين بهيدا العمر بس في اشياء لازم تكون متوفرة للاستمرار
مثلا البنت بدها تكون كطريقة تفكير اوعى من عمرها وهوي بده يكون متساهل شوي يعني ما يكون عايش عمره بالظبط يعني هيي بتكبر شوي وهوي بيصغر شوي
وبالنسبة للبنت اكيد حبها لالو بالبداية اجا من انو هيي صبية وكبيرة وهيدول الشباب ولاد ومجرد انو شاب بهيدا العمر اعجب فيها بحسسها بانها صبية اكتر وبهيدا العمر هيدا الاحساس بكون طاغي انها كبيرة وبطلت صغيرة هيدا الاهتمام بكون البداية وبعدين ممكن تطور الامور وتصير حب وممكن تكون لاقت حب ابوي هيي فاقدته وهيدا اللي جذبها الو
الحب بكل الحالات والاوقات ممكن بكون صادق لان ما في قاعدة معينة بيتبعها اكتر من احاسيس ومشاعر
المجتمع اكيد ما بيتقبل هيك علاقة واذا قرروا يستمروا رح يتحملوا حكي وتصرفات من الناس اللي حواليهم يمكن ما تكون منطقية
بالنسبة اللي انا بعمل اللي انا بحسو مش شو العالم بترضى عنه بس اكيد في اشياء ما بتقدري تطلعي منها من المجتمع اللي حولك
اما اذا تزوجوا
اللي بكون خسر هيي بدون شك هوي ما رح يخسر شي زواج واستقرار وعيشة مناسبة لالو بس هيي رح تكون كبرت
18
سنة من عمرها بيوم واحد وهيدول السنين ما عاشتهم لان من بعد الزواج بدها تعيش حياة مسؤولية وحياة بنت بال
30
وين راحوا سنينها واول شي ما بتحس بشي بتكون مبسوطة بالتغير والحياة الجديدة بس بعدين بتبلش تحس انو هيي شو عملت وكل اللي انت قلتيه عن الغيرة وهيدي الشغلات صحيح 100 % واكتر كمان هيي بس تفيق على حالها بتصير بدها تعوض السنين اللي راحت بدون ما تحس ووقتها بتبلش المشاكل والانهيارات بيناتهم
وفي حالات استثنائية وقت البنت بتكون مطيعة وخاضعة زيادة عن اللزوم وقتها بتكمل بحياتها معه عادي وبتعيش عمره هوي بس جواتها بكون كل شي عم يقتلها بس من خضوعها ما عندها الشجاعة تواجه فبتضل عايشة هيك بصراع جواتها لتموت
او بتكون ما خصها بالدنيا وبتكون كتير عادية

اوف حكيت كتير

ممكن يكون فرق العمر مشكلة وممكن يكون لأ...يعني متلو متل أي شي تاني.

هل هي علاقة ؟؟
أنا بعتقد إنها مش زابطة من أساسها !
إنو فرق العمر كتير كبير
منكمل بعدين
سلامز

الرسول محمد :

تزوج بعمر الـ25، إمرأة عمرها 40 سنة
تزوج بعمر الـ52، طفلة عمرها 6 سنوات

إختصارا : العمر مش مقياس

أخ فريكات

معك حق العمر مش مقياس، بس قسم من معلوماتك غلط

و رجاء أخوي بعدم التكلم عن الرسول الأكرم (ص) بهذه الطريقة و التي هي أو قد تعتبر غير لائقة بحق تلك الشخصية العظيمة، أو حتي بحق الذي تفوه بها

ما فهمت شو يللي اعتبرتو غير لائق؟


هل هي انني لم اكتب عبارات تمجيد بعد او قبل اسمه؟
يعني الله، بكل عظمته، و هو خالق السماء و الارض، و نقول له "الله".. هيك على الناشف، من دون صفات او عبارات قبل او بعد الاسم..

ليس اذن بدّي مجّد انسان بشري اكثر من الله خالق السموات و الارض؟

اما بخصوص زواجه.. فقد تزوج خديجة و هي بعمر الـ40، و عائشة بعمر الـ6 سنوات..
و هذه حقائق دينية، تستطيع التأكد منها..

اذا شي غير هيك، فالرجاء التوضيح..

أوف.....متأكّد انت انو كان عمرها 6 سنوات؟

فاتت براسك الكذبة؟.أو شو ما بينحكى قدامنا منصير مثل الببغاء نردّد؟؟؟

معك شي رواية تأكّد مقولتك؟أساساً البنت بتكون بالغة بعمر ال6 سنوات لحتى يتزوجها النبي؟,كان عمرها 9 سنوات وهي البكر الوحيدة التي تزوجها بعد زواجه من زواجه من سودة بنت زمعة

أما مسألة صغر سن عائشة فأنت بتعرف انو النبي صلى الله عليه وآله وسلم نشأ في بلاد حارة وهي أرض الجزيرة العربية....وبالبلاد الحارة يكون فيها بلوغ البنت مبكراً... ، ويكون الزواج المبكر ،كذلك البنت من حيث البنية الجسدية كانت على استعداد للزواج بعمر 9 سنوات .



خلي اندفاعك وحماسك تجاه المرأة ما يطلّعك برا المنطق وتصير تحكي بطريقة انك يابا معك حجّة لاقطها وبدك تكسّر الدنيا فيها!!!!







بالنسبة للموضوع الأساس,أنا بشوف انو العلاقة بين اثنين ما بيحكمها عامل السنّ,طبعاً اذا حبوا بعضن لسبب ما,ليش لحتى ما يستمروا سوا؟
اذا الرجل الكبير حب صغر وشباب البنت وهي حبّت نضجه ووعيه بهالحالة في حب لو انو مش من نفس الجيل,بس الحب موجود.....لذلك ما بشوف فيها مشكلة.

بالغ.. و شو يعني؟

شو فهمها بنت عمرها 6 سنوات، او 9 سنوات، بالزواج؟

شو الزواج مجرد اعضاء تناسلية؟

طيب، لنفترض انها اصبحت "بالغ" جنسيا بعمر الـ9 سنوات..
انت بتقبل ان يقوم رجل عمره 52 سنة، بممارسة الجنس مع طفلة عمرها 9 سنوات؟

انا بدي افهم شو اللي عجبو فيها؟

طفلة عمرها 9 سنوات، ثدييها لم ينموا بعد، و لم يتحولا الى عضو اثاري للرجل..
و ان كانت "بعض"، الفتيات، "يبدأن" النمو الجنسي بعمر الـ9 سنوات، فلا اعضائهم الجنسية اصبحت ناضجة، و لا عقلهم اصبح واعي بالامور الجنسية..

مش لأنو، بدأ النمو الجنسي، يعني البنت تُساق للجنس و الاغتصاب..

بعض الاطفال بعمر الـ9 سنوات، قد يكونوا قادرين على الانجاب..
و لكنهم، لا هم مستعدين على ممارسة الجنس، و لا على الزواج..


على فكرة، في البلاد "الباردة"، يبدأ النمو الجنسي للفتيات، بأعمار متقدمة، يعني مثلا 13 او 14 سنة..
ليش الاسلام يسمح في هذه الحالة، الزواج من طفلات بعمر الـ9 سنوات؟ و هنّ لم يبدأن النمو الجنسي بعد؟
مش على اساس الاسلام جاء لكل زمان و مكان؟

ملاحظة : انا لا عندي اندفاع و لا حماس تجاه المرأة.. الامر مقتصر على رفع الظلم و احقاق العدل
كمان إعرف، ان حرية الرجل تأتي من حرية المرأة... فإذا المرأة مقموعة، يعني الرجل مقموع

مع احترامي لشخصك,لكن طريقة كلامك مثيرة للاشمئزاز
اعذرني على عدم الرد بالوقت الحالي لحتى ما تزعل مني.

مش مشكلة..
و لكن لما تقرر ان ترد.. الرجاء توضيح شو المثير للاشمئزاز في كلامي..

و ايضا، الرجاء التوضيح، شو هوي الغير لائق في ردي هنا